పాయింట్ బ్లాంక్, వెబ్‌డెస్క్ : ఏపీ ఎన్నికలు దగ్గరపడుతోన్న కొద్ది ప్రచారాల జోరు ఊపందుకుంటోంది. ఈ క్రమంలో పలువురు సినీ సెలబ్రిటీలు కూడా పలు పార్టీల తరఫున మద్దతు పలుకుతున్నారు. ఇక, జనసేన అధినేత పవన్ కళ్యాణ్ పిఠాపురం నుంచి ఎమ్మెల్యే అభ్యర్థిగా పోటీ చేస్తోన్న విషయం తెలిసిందే. పవన్ ఇటీవలే పిఠాపురంలో ఎమ్మెల్యే అభ్యర్థిగా నామినేషన్ వేశారు. కాగా, నాగబాబు కొడుకు వరుణ్ తేజ్.. బాబాయి పవన్ కల్యాణ్ తరఫున ఏప్రిల్ 27 శనివారం ఎన్నికల ప్రచారంలో పాల్గొనడానికి సిద్ధమయ్యారు. దీనికి సంబంధించిన వార్త సోషల్ మీడియాలో వైరల్ అవ్వడంతో మెగా ఫ్యాన్స్ హర్షం వ్యక్తం చేస్తున్నారు.
