పాయింట్ బ్లాంక్, వెబ్‌డెస్క్: తెలంగాణ రాష్ట్ర చిహ్నన్ని కాంగ్రెస్ ప్రభుత్వం ఆవిర్భావ దినోత్సవం సందర్భంగా ఆవిష్కరించేందుకు రెడీ అయిన విషయం తెలిసిందే. అయితే తెలంగాణ రాజముద్రకు సంబంధించి మూడు లోగోల ఫొటోలు బుధవారం సోషల్ మీడియాలో వైరల్ అయ్యాయి. తాజాగా, ప్రభుత్వం ఈ చిహ్నాన్ని ఫైనల్ చేసినట్లు తెలిసింది. లోగోలు అమరుల స్థూపం, వరి కంకులు ఉన్నాయి. తెలంగాణ ప్రభుత్వం అని తెలుగు, హిందీ, ఇంగ్లీష్, ఉర్దూలో రాసి ఉంది. మూడు సింహాల గుర్తును లోగోకు జత చేశారు. అయితే గతంలో తెలంగాణ రాష్ట్ర చిహ్నం తెలుపు రంగు బ్యాక్ గ్రౌండ్‌లో ఆకుపచ్చ రంగులో ఉండగా.. కొత్త లోగోలో ఎరుపు, ఆకుపచ్చ, నలుపు రంగులు ఉన్నాయి. అయితే ఈ గుర్తును ప్రభుత్వం అధికారంగా ప్రకటించాల్సి ఉంది.
