పాయింట్ బ్లాంక్, వెబ్డెస్క్: దేశ వ్యాప్తంగా భారతీయ న్యాయ సంహిత (బీఎన్ఎస్) అమల్లోకి వచ్చిన రెండో రోజే కరీంనగర్ జిల్లాలో సంచలనం చోటుచేసుకుంది. ఈ మేరకు హుజూరాబాద్ బీఆర్ఎస్ ఎమ్మెల్యే పాడి కౌశిక్‌రెడ్డిపై కేసు నమోదైంది. కరీంనగర్ వన్‌టౌన్ పోలీసులు ఆయనపై జీరో ఎఫ్ఐఆర్ నమోదు చేశారు. మంగళవారం కరీంనగర్లో జరిగిన జిల్లా పరిషత్ సమావేశంలో విధులకు ఆటంకం కలిగించారంటూ ప్రభుత్వ అధికారులు పోలీసులకు లిఖిత పూర్వకంగా ఫిర్యాదు చేశారు. ఆ ఫిర్యాదును పరిగణలోకి తీసుకున్న కరీంనగర్ వన్‌టౌన్ పోలీసులు జూలై 1 నుంచి దేశ వ్యాప్తంగా అమల్లోకి వచ్చిన బీఎన్ఎస్ కింద కేసు నమోదు చేసి దర్యాప్తును ప్రారంభించారు
