చార్మినార్, హైదరాబాద్ : మెడలో పూలదండ.. ఒంటిపై రాజస్థాన్ తరహాలో వస్త్రాధారణ ధరించి.. ఒంటె పై పెళ్లి కొడుకు అవతారంలో ఊరేగింపుగా మండపానికి వెళ్తున్నట్లుగా రెడీ అయి నామినేషన్ వేయడానికి వెళ్లాడు ఓ యువకుడు. పాతబస్తీ కబూతర్ ఖానకు చెందిన అనిల్ సేన్ హైదరాబాద్ ఎంపీ స్వతంత్ర అభ్యర్థిగా నామినేషన్ దాఖలుకు వినూత్నంగా కలెక్టరేట్కు బయలుదేరారు. గురువారం నామినేషన్ వేయుటకు వినూత్నంగా రాజస్థాని స్టైల్‌లో వస్త్రాధారణ వేసుకొని ఒంటె పై నామినేషన్ వేయడానికి బయలుదేరాడు. ఇలా ఎక్కడికి వెళ్తున్నారని అయనను పలువురు ప్రశ్నించగా కార్పొరేటర్గా, ఎమ్మెల్యేగా, పోటీచేసి ఓడి పోయానని.., ఇప్పుడు హైదరాబాద్ ఎంపీ స్వతంత్ర అభ్యర్థిగా పోటీ చేస్తున్నానని అనిల్ సేన్ పేర్కొన్నారు.
