‘హనుమాన్’ సినిమా OTT రిలీజ్ కు రెడీ అయింది. మార్చి 8న జీ5లో రాబోతోంది. ఈ సినిమా సీక్వెల్ గా జై హనుమాన్ అని ఇప్పటికే ప్రకటించడంతో OTT రెస్పాన్స్ కూడా ఈ చిత్ర బృందానికి చాలా కీలకం. శ్రీరామ నవమికి సీక్వెల్ మూవీ జై హనుమాన్ ఫస్ట్ లుక్ వచ్చే అవకాశం ఉందంటోంది చిత్ర యూనిట్. శనివారం 50రోజుల వేడుక సందర్భంగా కీలక అంశాలు మీడియాతో పంచుకున్నారు మూవీ మేకర్స్.
సంక్రాంతికి చిన్న సినిమాగా రిలీజై 9 దశాబ్దాల సీజన్ రికార్డునే తిరగరాసిన తెలుగు సినిమా హనుమాన్. ప్యాన్ ఇండియా స్థాయిలో దుమ్ములేపింది హనుమాన్ సినిమా. బాక్సాఫీస్ వద్ద అద్భుతమైన కలెక్షన్స్ తో సినిమా థియేట్రికల్ రన్ ను ఆల్మోస్ట్ ముగించింది.
మీడియం బడ్జెట్ సినిమాగా తెరకెక్కిన ఈ సినిమా పెద్ద స్టార్ హీరోల చిత్రాల తరహాలో వసూళ్లు రాబట్టింది. నైజాంలో హనుమాన్ 64 కోట్ల గ్రాస్ వసూలు చేసింది. ఆంధ్రప్రదేశ్‌లో ఈ సినిమా 82 కోట్ల గ్రాస్ వసూలు చేసింది. కర్ణాటకలో 24 కోట్ల గ్రాస్, కేరళ- తమిళనాడులో కలిపి దాదాపు 4 కోట్ల గ్రాస్‌ను సొంతం చేసుకుంది. నార్త్ ఇండియాలో ఈ సినిమా 62 కోట్ల గ్రాస్ కలెక్ట్ చేసింది. హనుమాన్ సినిమా ఇండియాలో 237 కోట్ల గ్రాస్ వసూలు చేయగా, ఓవర్సీస్ లో 57 కోట్ల గ్రాస్ వసూలు చేసింది. ప్రపంచవ్యాప్తంగా క్లోజింగ్ గ్రాస్ 294 కోట్లని టీమ్ తెలిపింది.
