తెలంగాణలోటీజీ పేరుతో వాహనాల రిజిస్ట్రేషన్ మొదలయ్యింది. వాహనాల రిజిస్ట్రేషన్ టీజీ 0001 నంబర్తోప్రారంభమయ్యాయి. వాహనదారులు 0001 నుంచి 0999 వరకు రిజర్వు చేసుకోవచ్చు. ప్రతి రోజు అంతకు ముందు రోజు రిజిస్ట్రేషన్ అయిన నంబర్ నుంచి 1000 లోపు ప్రస్తుత విధానంలోనే టీజీ సిరీస్లో రిజర్వు చేసుకునే అవకాశం ఉంది, రాష్ట్రంలో ఏపీ సిరీస్ తోరిజిస్ట్రేషన్ అయిన వెహికల్స్ 70,68,252 ఉండగా టీఎస్సిరీస్తో రిజిస్ట్రేషన్ అయిన వాహనాలు 92,82,903 ఉన్నట్టు అధికారులు తెలిపారు.
ఫస్ట్ డే ఫుల్ ఇన్ కమ్
మొదటి రోజే ఆర్టీఏకు భారీగా ఆదాయం వచ్చింది. ఖైరతాబాద్ ఆర్టీఏ జోన్ పరిధిలో టీజీ 09, 0001 నంబర్ను రుద్రరాజు రాజీవ్కుమార్అనే వాహనదారుడు దక్కించుకున్నారు. దీనికి ఆయన రూ.50 వేలు రిజర్వేషన్ఫీజు చెల్లించి వేలంలో రూ.9,11,111లకు నంబర్ సొంతం చేసుకున్నారు. అలాగే, టీజీ 09, 0909 నెంబర్ను భవ్యసింధు ఇన్ఫ్రా ప్రాజెక్ట్స్ ప్రైవేట్ లిమిటెడ్ వేలంలో రూ.2,20,909లకు దక్కించుకుంది.
రాష్ట్ర వ్యాప్తంగా అన్ని జిల్లాల్లో కలిపి ఫీజు రూపంలో రూ.1,25,11,000 లు, నంబర్లవేలం ద్వారా రూ.1,26,75,437 లు కలిపి మొత్తం ఒక్కరోజులోనే ఆర్టీఏకు రూ.2,51,86,437ల ఆదాయం వచ్చింది
