తెలంగాణ లోక్ సభ ఎన్నికల్లో హాట్ సీట్లలో నాగర్ కర్నూల్ ఒకటి. మాజీ ఐపీఎస్ ఆఫీసర్ ఇటీవల బీఎస్పీని వీడి బీఆర్ఎస్ చేరడంతో అందరి దృష్టి నాగర్ కర్నూల్ వైపు వెళ్లింది. నిన్న నాగర్ కర్నూల్ ఎంపీగా బీఆర్ఎస్ ఆర్ఎస్ ప్రవీణ్ కుమార్ ను ప్రకటించింది. దీంతో నాగర్కర్నూల్ లోక్సభ నుంచి పోటీకి మూడు ప్రధాన పార్టీలు తమ అభ్యర్థులను ఖరారు చేయడంతో ఇక్కడి రాజకీయాలు వేడెక్కాయి.కాంగ్రెస్నుంచి సీనియర్ లీడర్, మాజీ ఎంపీ మల్లు రవి టికెట్ దక్కించుకోగా, బీజేపీలో చేరిన సిట్టింగ్ఎంపీ పోతుగంటి రాములు తన కొడుకు పోతుగంటి భరత్ప్రసాద్కు టికెట్ఇప్పించుకోగలిగారు. బీఎస్పీ స్టేట్ చీఫ్హోదాలో ఉండి ఆ పార్టీకి రాజీనామా చేసిన మాజీ ఐపీఎస్ఆర్.ఎస్. ప్రవీణ్కుమార్బీఆర్ఎస్ లో చేరి ఆ పార్టీ అభ్యర్థిగా పోటీ చేయనున్నారు. దీంతో నాగర్కర్నూల్లో అప్పుడే పార్లమెంట్పోరు మొదలైంది.
నాగర్ కర్నూల్పార్లమెంట్పరిధిలో ఏడు అసెంబ్లీ సెగ్మెంట్లు ఉండగా ఇందులో ఐదు స్థానాల్లో కాంగ్రెస్, రెండు చోట్ల బీఆర్ఎస్గెలిచింది. కొల్లాపూర్నుంచి మంత్రి జూపల్లి కృష్ణారావు, అచ్చంపేట నుంచి డీసీసీ ప్రెసిడెంట్డా.వంశీకృష్ణతో పాటు కల్వకుర్తి, నాగర్కర్నూల్, వనపర్తి నియోజకవర్గాల్లో కాంగ్రెస్ పట్టుసాధించింది. ఏడు నియోజకవర్గాల్లో కాంగ్రెస్ , బీఆర్ఎస్ ఇద్దరు ఎమ్మెల్యేలతో సరిపెట్టుకుంది. రెండు పార్టీల మధ్య దాదాపు 11 శాతం ఓట్ల తేడా ఉంది. సీఎం రేవంత్ సొంత జిల్లా కావడం, మంత్రి జూపల్లికి ఇన్ చార్జి బాధ్యతలు ఇవ్వడం కూడా కాంగ్రెస్కలిసొచ్చే అంశాలు. ఊపుమీదున్న కాంగ్రెస్క్యాడర్అసెంబ్లీ ఫలితాలు పునరావృతమవుతాయనే ధీమాతో ఉంది. కాంగ్రెస్టికెట్దక్కించుకునేందుకు మల్లు రవి, సంపత్చివరి వరకు పోటీ పడ్డా హైకమాండ్ మల్లు రవి వైపే మొగ్గు చూపింది.
బీజేపీ నుంచి భరత్ప్రసాద్తాను స్థానికుడినని, సిట్టింగ్ఎంపీ రాములు కొడుకుగా ఆశీర్వదించాలని ప్రచారం చేసుకుంటున్నారు. అచ్చంపేట నుంచి నాలుగు సార్లు ఎమ్మెల్యేగా, మంత్రిగా పనిచేసిన ఎంపీ పోతుగంటి రాములుకు నాగర్కర్నూల్జిల్లాలోని నాలుగు అసెంబ్లీ సెగ్మెంట్లలో మంచి పరిచయాలున్నాయి. 2019 పార్లమెంట్ఎన్నికల్లో కాంగ్రెస్, బీఆర్ఎస్మధ్య పోరులో అప్పటి బీఆర్ఎస్అభ్యర్థి అయిన రాములు 1,89,668 ఒట్ల మెజారిటీ సాధించారు.
అలంపూర్నియోజకవర్గానికి చెందిన ఆర్ఎస్ ప్రవీణ్ కుమార్కు అలంపూర్, గద్వాల నియోజకవర్గాలు అనుకూలమని భావిస్తున్నా అక్కడ కాంగ్రెస్, డీకే అరుణ ప్రభావం ఉంటుంది. అసెంబ్లీ ఎలక్షన్స్రిజల్ట్తో నిరాశకు గురైన బీఆర్ఎస్మాజీ ఎమ్మెల్యేలు ఫలితాలపై ఇప్పటికి పోస్ట్మార్టం చేసుకుంటున్నారు. అయినా పార్లమెంట్ఎన్నికలకు మానసికంగా సిద్ధమవుతున్న దాఖలాలు కనిపించడం లేదనే టాక్ నడుస్తోంది. మాజీ మంత్రి నిరంజన్ రెడ్డి, మాజీ ఎమ్మెల్యేలను ఆర్ఎస్పీ ఎంత వరకు సమన్వయం చేసుకుంటారు? పార్టీ క్యాడర్ఎంత వరకు సహకరిస్తుందనే దానిపైనే ఆయన గెలుపు ఆధారపడి ఉంటుంది.
