పాయింట్ బ్లాంక్, వెబ్‌డెస్క్: ప్రదానిగా నరేంద్ర మోదీ ముచ్చటగా మూడోసారి బాధ్యతలు స్వీకరించారు. మోదీతో పాటు మరో 71 మంది కేంద్రమంత్రులుగా ప్రమాణం చేశారు. ఏడుగురు మహిళలకు మోదీ తన మంత్రివర్గంలో చోటు కల్పించారు. కానీ, గతసారి మాత్రం కేబినేట్లో పదిమంది మహిళలకు చోటు దక్కింది. గతంలో కేంద్రమంత్రులుగా పనిచేసిన స్మృతి ఇరానీ, డాక్టర్ భారతీ పవార్, సాధ్వి నిరంజన్ జ్యోతి, దర్శన జర్దోష్, మీనాక్షి లేఖి, ప్రతిమా భూమిక్లకు మంత్రిమండలిలో చోటు దక్కలేదు. రాజ్యసభ ఎంపీ నిర్మలా సీతారామన్ మరోసారి మంత్రిమండలిలో చోటు దక్కించుకున్నారు. గత ప్రభుత్వంలో ఆర్థిక మంత్రిగా ఆమె పనిచేశారు. ఝార్ఖండ్కు చెందిన ఓబీసీ నాయకురాలు, బీజేపీ నేత అన్నపూర్ణాదేవి మోదీ మంత్రిమండలిలో చేరారు. మధ్యప్రదేశ్కు చెందిన గిరిజన నాయకురాలు సావిత్రి ఠాకూర్ కేంద్రమంత్రిగా ప్రమాణం చేశారు. గుజరాత్కు చెందిన బీజేపీ నాయకురాలు నిముబెన్ బంభానియాకు కేబినేట్లో స్థానం లభించింది. మహారాష్ట్రకు చెందిన రక్షా ఖడ్సేకు, కర్ణాటకకు చెందిన శోభా కరంద్లాజేలకు కేంద్రమంత్రిపదవి దక్కింది. అప్నాదళ్ నాయకురాలు, కుర్మీ కమ్యూనిటీకి చెందిన నేత అనుప్రియా పటేల్ కేబినేట్ బెర్త్ దక్కించుకున్నారు.
