లోక్సభ ఎన్నికల్లో పోటీ చేసే అభ్యర్థుల ఎంపికపై కాంగ్రెస్ కసరత్తు చేస్తోంది. పెండింగ్‌లో ఉన్న 13 స్థానాల్లో ఆరింటిపై ఏకాభిప్రాయం కుదిరినట్లు తెలిసింది. బుధవారం లేదా గురువారం రిలీజ్ కానున్న లిస్ట్లో తెలంగాణ లోని 6,7 స్థానాలకు అభ్యర్థులను ప్రకటించే చాన్స్ ఉంది. మిగిలిని సెగ్మెంట్ పై సీఈసీలో ఏకాభిప్రాయం రాకపోవడంతో వాటిని పెండింగ్ లో పెట్టనున్నట్టు సమాచారం.
సీఈసీ భేటీలో తెలంగాణలోని పలు లోక్సభ స్థానాలకు ఫైనల్ అయ్యాయంటూ ఏఐసీసీ వర్గాల్లో కొంతమంది నేతల పేర్లు చక్కర్లు కొడుతున్నాయి. నిజామాబాద్-జీవన్ రెడ్డి, పెద్దపల్లి-గడ్డం వంశీ, చేవెళ్ల- రంజిత్ రెడ్డి, ఆదిలాబాద్- డాక్టర్ సుమలత, కరీంనగర్ – ప్రవీణ్ రెడ్డి, సికింద్రాబాద్ – దానం నాగేందర్, వరంగల్ – పసునూరి దయాకర్, భువనగిరి – పైళ్ల శేఖర్ రెడ్డి, హైదరాబాద్ – షానవాజ్ కు దక్కవచ్చని ఢిల్లీ వర్గాల్లో చర్చ జరుగుతున్నది.
అయితే మెదక్, ఖమ్మం, నాగర్ కర్నూల్, మల్కాజ్ గిరి నియోజకవర్గాలకు పోటీ ఎక్కువగా ఉంది. దీంతో ఈ స్థానాలను ప్రస్తుతానికి పక్కన పెట్టి నెక్స్ట్ సీఈసీ భేటీలో అభ్యర్థులను నిర్ణయించనున్నట్లు తెలిసింది. కాగా తెలంగాణకు సంబంధించి ఇప్పటికే నాలుగు స్థానాలకు అభ్యర్థులను ప్రకటించిన సంగతి తెలిసిందే
